6 ઇન 1 રસીકરણ (વેક્સિનેશન)

ડિપ્થેરિયા (ઘટસર્પ) શું છે અને મારું શિશુ તેમાં કેવી રીતે ઝડપાઈ શકે છે?

ડિપ્થેરિયા એ બેક્ટેરિયા દ્વારા લાગતો ગંભીર ચેપછેજે સામાન્ય રીતે નાક અને ગળાના મ્યુકોસ મેમ્બ્રેનને અસર કરે છે.ડિપ્થેરિયા સામાન્ય રીતે આનાથી ફેલાય છે:

- ચેપગ્રસ્ત વ્યક્તિની ઉધરસ અથવા છીંકમાંથી શ્વાસના ટીપાં ઉડવા.

- ચેપગ્રસ્ત ખુલ્લા ચાંદા અથવા અલ્સર સાથે નજીકથી સંપર્કમાં આવવું

જો મારા શિશુને ડિપ્થેરિયા થાય તો શું થશે?

ડિપ્થેરિયાના લક્ષણોમાં નબળાઈ, ગળામાં દુખાવો, તાવ અને ગળામાં સૂજેલી ગ્રંથિઓનો સમાવેશ થાય છે. ગળામાં એક જાડું આવરણ બની શકે જે શ્વાસ લેવામાં અથવા ગળવાની તકલીફ સાથે વાયુમાર્ગ અવરોધવા, હૃદયને નુકસાન પહોચાડવા, ચેતાને નુકસાન કરવા, ફેફસામાં ચેપ અને લકવા જેવી જટિલતાઓ તરફ દોરી શકે છે.

હું મારા શિશુને ડિપ્થેરિયાથી કેવી રીતે રક્ષણ આપી શકું?

ડિપ્થેરિયા રસીકરણથી અટકાવી શકાય. ડિપ્થેરિયાની રસી સામાન્ય રીતે ટિટાનસ અને વૂપિંગ કફ (પર્ટ્યુસિસ) માટેની રસી સાથે સંયોજિત કરવામાં આવે છે. અન્ય એન્ટિજેન્સ સાથે સંયોજનમાં ડિપ્થેરિયા રસી એ બાલ્યાવસ્થાના રસીકરણમાંથી એક છે જે ડૉકટરો શૈશવાસ્થામાં ભલામણ કરે છે.

કોઈપણ બીમાર હોય તેવી વ્યક્તિથી શિશુને દૂર રાખવા સહિત તમામ સ્વચ્છતા સાવચેતીઓની ખાતરી કરવી જોઈએ.

પર્ટુસિસ શું છે અને મારું શિશુ તેમાં કેવી રીતે ઝડપાઈ શકે?

પર્ટ્યુસિસ (જેને ડૂબકી ખાંસી કે ઊંટાટિયું તરીકે પણ ઓળખવામાં આવે છે) એ અત્યંત ચેપી શ્વસન રોગ છે જે ખૂબ જ ગંભીર હોઈ શકે છે, ખાસ કરીને નવજાત શિશુઓ અને નાના શિશુઓ માટે.

પર્ટુસિસ ચેપી ટીપાંઓથી હવામાં ફેલાય છે, તેથી તે અન્ય લોકો દ્વારા ખાંસી અથવા છીંક મારવાથી અથવા રોગગ્રસ્ત વ્યક્તિની નજીક આવવાથી સહેલાઈથી પ્રસરે છે. નવજાત શિશુઓને પર્ટુસિસ ચેપનો મુખ્ય સ્ત્રોત માતા છે.

જો મારા બાળકને પર્ટુસિસ થાય તો શું થશે?

પર્ટુસિસ 2 મહિનાથી ઓછી ઉંમરના બાળકો અને નાના શિશુઓમાં ગંભીર જટિલતાઓ પેદા કરી શકે છે. શિશુઓ અને નાના બાળકો પીડિત થઈ શકે અને શ્વાસ લેવામાં તકલીફને કારણે વાદળી થઈ શકે છે.

મારા નવજાત શિશુને પર્ટુસિસથી બચાવવાના કયા રસ્તાઓ છે?

પર્ટુસિસ્ થી બચવા માટે શિશુ ને રસી આપીને અટકાવી શકાય. નાના શિશુઓમાં પર્ટુસિસ રોકવા માટે અન્ય વ્યૂહરચનાઓમાં માતાઓ, પરિવારના સભ્યોનું રસીકરણ અને નજીકથી સંપર્ક ના રાખવું સામેલ હોઈ છે. અન્ય પગલાંમાં ચેપગ્રસ્ત વ્યક્તિથી અલગતાનો સમાવેશ થાય છે. વધુ વિગતો માટે કૃપા કરીને તમારા ડૉક્ટરનો સંપર્ક કરો.

ટિટાનસ શું છે અને મારું શિશુ તેમાં કેવી રીતે ઝડપાઈ શકે?

ટિટાનસ (ધનુર) એ ક્લોસ્ટ્રિડિયમ ટેટાની બેક્ટેરિયમને કારણે થતો એક તીવ્ર, ઘણીવાર જીવલેણ રોગ છે. તે સામાન્ય રીતે કઠોરતા અને હાડપિંજરના સ્નાયુઓમાં ખેંચાણને અનુલક્ષીને વર્ગીકૃત કરવામાં આવેલ છે. સામાન્ય રીતે જડબા (લોકજૉ) અને ગરદનના સ્નાયુની જડતાનો સમાવેશ થાય છે અને પછી તે આખા શરીરમાં ફેલાઈ શકે.

સામાન્ય રીતે બેક્ટેરિયાના બીજકણ માટી, ધૂળ અને ખાતરમાં જોવા મળે છે અને ચામડીને તોડીને શરીરમાં પ્રવેશ કરે છે - સામાન્ય રીતે દૂષિત વસ્તુઓના કારણે કાપા અથવા છેદાઈ જવાના ઘા.

જો મારા શિશુને ટિટાનસ થાય તો શું થશે?

નવજાત ટિટાનસનાં લક્ષણોમાં સ્નાયુઓમાં ખેંચાણનો સમાવેશ થાય, જે ઘણીવાર નવજાત શિશુને ચૂસવામાં કે સ્તનપાન કરાવવામાં અસમર્થતા થાય અને તેઓ વધુ પડતા રડતા હોય છે.

મોટા બાળકો અને પુખ્ત વયના લોકોમાં, તે જડબામાં ખેંચાણ, સ્નાયુઓમાં પીડાદાયક ખેચાવું અને આંચકી તરફ દોરી શકે. આનાથી અસ્થિ ભંગ, શ્વાસ લેવામાં તકલીફ, વોકલ કોર્ડમાં ખેંચાણ જેવી જટિલતાઓ થઈ શકે છે.

મારા નવજાતને ટિટાનસથી બચાવવાના કયા રસ્તાઓ છે?

ટિટાનસનાં ચેપને રોકવામાં મદદ કરવા માટે સીડીસી રસીકરણ, ઘાની સારી સંભાળ અને જાળવણી કરવાની ભલામણ કરવામાં આવે છે. કોઈને ગંભીર ઈજા થઈ હોય અને ટિટાનસની રસી ના અપાઈ હોય તેવા કિસ્સામાં ટિટાનસ રોકવામાં મદદ માટે ડૉક્ટર દવાનો પણ ઉપયોગ કરી શકે છે.

હિમોફિલસ ઇન્ફ્લૂએન્ઝા ટાઈપ બી શું છે અને મારું શિશુ તેમાં કેવી રીતે ઝડપાઈ શકે?

હિમોફિલસ ઇન્ફ્લુએન્ઝા રોગ એચ. ઈન્ફલ્યુએન્ઝી નામના બેક્ટેરિયાને કારણે થાય છે.

એચ. ઈન્ફલ્યુએન્ઝા નામ હોવા છતાં, તે ઈન્ફલ્યુએન્ઝા (ફલૂ) નું કારણ નથી. હિમોફિલસ ઇન્ફ્લૂએન્ઝા ટાઈપ બી (એચઆઈબી) એ એક બેક્ટેરિયા છે જે લગભગ ફક્ત 5 વર્ષથી ઓછી ઉંમરના બાળકોમાં જ કાનના હળવા ચેપથી લઈને ગંભીર ન્યુમોનિયા, મેનિન્જાઇટિસ અને અન્ય આક્રમક રોગોના વિવિધ પ્રકારના ચેપનું કારણ બની શકે.

અન્ય લોકો સાથે નજીકના સંપર્કમાં હોય ત્યારે લોકો ખાંસી અથવા છીંક મારવાથી હિબ સહિત એચ. ઇન્ફ્લુએન્ઝા ફેલાવી શકે. જે લોકો બીમાર દેખાતા નથી તેઓના નાક અને ગળામાં પણ બેક્ટેરિયા હોઈ શકે છે અને તે બેક્ટેરિયા ફેલાવી શકે.

જો મારા બાળકને હિબ થાય તો શું થશે?

હિબ દ્વારા થતા સૌથી સામાન્ય આક્રમક રોગોમાં ન્યુમોનિયા, રક્તપ્રવાહમાં ઇન્ફેક્શન અને મેનિન્જાઇટિસનો સમાવેશ થાય છે. એ મગજ અને કરોડરજ્જુના આવરણનો ચેપ મેનિન્જાઇટિસ છે. તે શરૂઆતમાં વધુ તાવ, માથાનો દુખાવો, ખરાબ ખાવા-પીવા સાથે આવી શકે છે.

સીડીસી મુજબ, હિબ આક્રમક રોગ ધરાવતા મોટાભાગના બાળકોને હોસ્પિટલમાં સંભાળની જરૂર હોય છે. સારવાર સાથે પણ, હિબ મેનિન્જાઇટિસ ધરાવતા 20 માંથી 1 બાળક મૃત્યુ પામે છે. હિબ મેનિન્જાઇટિસથી બચેલા 5 માંથી 1 બાળકનાં મગજમાં નુકસાન પહોંચાડી શકે છે અથવા બહેરા થઈ શકે.

મારા નવજાત શિશુને હિબ રોગથી બચાવવાના કયા રસ્તાઓ છે?

ડબ્લ્યુએચઓ મોટાભાગના ગંભીર હિબ રોગોને રોકવા માટે એક માત્ર સક્ષમ જાહેર આરોગ્ય સાધન તરીકે રસીકરણની ભલામણ કરે છે. પ્રારંભિક શૈશવાસ્થામાં આપવામાં આવે ત્યારે પણ હિબ રસીઓ સલામત અને અસરકારક માનવામાં આવે છે. અન્ય નિવારક પગલાંમાં સારી સફાઈ અને યોગ્ય સ્વચ્છતાનો સમાવેશ થાય છે.

હેપેટાઈટિસ બી શું છે અને મારું શિશુ તેમાં કેવી રીતે ઝડપાઈ શકે?

હેપેટાઇટિસ બી એ લીવરનો ચેપ છેજે લોહી અને શરીરના પ્રવાહી દ્વારા ફેલાય છે. હેપેટાઇટિસ બી બાળકોમાં હળવી ટૂંકા ગાળાની બીમારીથી થતો હોઈ શકે છે. તે ઘણીવાર વર્ષો સુધી ચાલુ રહી શકે છે અને છેવટે યકૃતને ગંભીર રીતે નુકસાન પહોંચાડી શકેછે.

ચેપગ્રસ્ત માતા જન્મ દરમિયાન તેના બાળકને ચેપ ફેલાવી શકે. હેપેટાઈટિસ બી વાયરસનો ફેલાવો ત્યારે થાય છે જ્યારે લોહી, વીર્ય અથવા હેપેટાઈટિસ બી વાયરસથી સંક્રમિત શરીરના અન્ય પ્રવાહી ચેપગ્રસ્ત ના હોય તેવા વ્યક્તિના શરીરમાં પ્રવેશ કરે.

જો મારા શિશુને હેપેટાઈટિસ બી થાય તો શું થશે?

સીડીસી મુજબ, 5 વર્ષ અને તેથી વધુ ઉંમરના લગભગ 30%-50% લોકોમાં તીવ્ર હેપેટાઈટિસ બીના લક્ષણો જોવા મળે છે. મોટા ભાગના 5 વર્ષથી ઓછી ઉંમરના બાળકો અને ઘટેલી રોગપ્રતિકારક શક્તિ સાથે ગંભીર આરોગ્ય સમસ્યાઓ ધરાવતા લોકોમાં સામાન્ય રીતે લક્ષણો હોતા નથી. હેપેટાઇટિસ બીના લક્ષણોમાં થાક, તાવ, ભૂખ ના લાગવી, ઉબકા, ત્વચા અથવા આંખો પીળી થવી, પેટમાં દુખાવો અને ઘાટ્ટા પેશાબનો સમાવેશ થાય છે.

લગભગ 90% ચેપગ્રસ્ત શિશુઓમાં (એટલે કે 1 વર્ષથી ઓછી ઉંમરના

બાળકો) ક્રોનિક ચેપ વિકસે છે. બાળક જેમ મોટું થાય તેમ તેમ જોખમ ઘટતું જાય છે. 1 થી 5 વર્ષની વય વચ્ચેના ચેપગ્રસ્ત બાળકોમાં આશરે 25%-50% ક્રોનિક હેપેટાઇટિસ બી વિકાસે છે.

ક્રોનિક હેપેટાઇટિસ બી લીવરને નુકસાન, સિરોસિસ, લીવર કેન્સર અને મૃત્યુનો કારણ પણ બની શકે.

મારા નવજાત શિશુને હેપેટાઇટિસ બી થી બચાવવાના કયા રસ્તાઓ છે?

સીડીસી મુજબ, હેપેટાઇટિસ બીને રોકવાનો શ્રેષ્ઠ રસ્તો રસી લેવાનો છે. સંપૂર્ણ સુરક્ષા માટે શોટની સીરીઝ પૂરી કરવી જરૂરી છે. અન્ય નિવારક પગલાંઓમાં ચેપગ્રસ્ત વ્યક્તિ સાથે લોહી અને શારીરિક સંપર્ક ટાળવાનો સમાવેશ થાય છે. હેપેટાઇટિસ બી સામે રસીકરણ વિશે વધુ માહિતી માટે તમારા ડૉક્ટર સાથે વાત કરો.