ಶಿಶುಗಳು ಮತ್ತು ಚಿಕ್ಕ ಮಕ್ಕಳಲ್ಲಿ ಇನ್‌ಫ್ಲುಯೆಂಜಾ ತಡೆಗಟ್ಟುವಿಕೆ: ಪೋಷಕರಾಗಿ ನೀವು ಏನು ಮಾಡಬಹುದು?

ವೈರಸ್‌ಗೆ ಒಡ್ಡಿಕೊಂಡ ಸುಮಾರು 2 ದಿನಗಳ ನಂತರ ಇನ್ಫ್ಲುಯೆಂಜಾ ಲಕ್ಷಣಗಳು ಸಾಮಾನ್ಯವಾಗಿ ಪ್ರಾರಂಭವಾಗುತ್ತವೆ, ಆದರೆ ಅವು 1 ರಿಂದ 4 ದಿನಗಳ ನಂತರ ಎಲ್ಲಿಯಾದರೂ ಕಾಣಿಸಿಕೊಳ್ಳಬಹುದು ¹. ಈ ಲಕ್ಷಣಗಳು ಸೌಮ್ಯದಿಂದ ತೀವ್ರವಾಗಿರಬಹುದು ಮತ್ತು ಸಾಮಾನ್ಯವಾಗಿ ಇದ್ದಕ್ಕಿದ್ದಂತೆ ಕಾಣಿಸಿಕೊಳ್ಳಬಹುದು 6. ಸಾಮಾನ್ಯ ಇನ್‌ಫ್ಲುಯೆಂಜಾ ಲಕ್ಷಣಗಳು ಇವುಗಳನ್ನು ಒಳಗೊಂಡಿರುತ್ತವೆ ^6,1:

 

• ಅನಿರೀಕ್ಷಿತ ಜ್ವರ

• ಚಳಿ

• ಒಣ ಕೆಮ್ಮು

• ಗಂಟಲು ವ್ರಣ

• ಮೂಗು ಸುರಿಯುವುದು ಅಥವಾ ಕಟ್ಟಿದ ಮೂಗು

• ತಲೆನೋವು

• ಸ್ನಾಯು ಅಥವಾ ಶರೀರದ ನೋವುಗಳು

• ಆಯಾಸ

   

ಮಕ್ಕಳು ವಾಂತಿ ಮತ್ತು ಅತಿಸಾರವನ್ನು ಸಹ ಅನುಭವಿಸಬಹುದು ⁵. ಜ್ವರಕ್ಕೆ ಸಂಬಂಧಿಸಿದ ಕೆಮ್ಮು ತೀವ್ರವಾಗಿರಬಹುದು ಮತ್ತು 2 ವಾರಗಳು ಅಥವಾ ಅದಕ್ಕಿಂತ ಹೆಚ್ಚು ಕಾಲ ಉಳಿಯಬಹುದು ¹. ಹೆಚ್ಚಿನ ಜನರು ಕೆಲವು ದಿನಗಳಿಂದ ಎರಡು ವಾರಗಳಿಗಿಂತ ಕಡಿಮೆ ಅವಧಿಯಲ್ಲಿ ಜ್ವರದಿಂದ ಚೇತರಿಸಿಕೊಳ್ಳುತ್ತಾರೆ ⁶.

ಮಕ್ಕಳಲ್ಲಿ, ವೈದ್ಯಕೀಯ ಗಮನ ಅಗತ್ಯವಿರುವ ತೀವ್ರ ಇನ್‌ಫ್ಲುಯೆಂಜಾ ಸಂಬಂಧಿತ ಲಕ್ಷಣಗಳು  ಒಳಗೊಂಡಿರಬಹುದು⁶:

• ವೇಗವಾದ ಉಸಿರಾಟ ಅಥವಾ ಉಸಿರಾಡಲು ಕಷ್ಟವಾಗುವುದು

• ತುಟಿ ಅಥವಾ ಮುಖ ನೀಲಿಯಾಗುವುದು

• ಪ್ರತೀ ಬಾರಿ ಉಸಿರಾಡುವಾಗ ಪಕ್ಕೆಲುಬು ಸಂಕುಚಿತಗೊಳ್ಳುವುದು

• ಎದೆನೋವು

• ತೀವ್ರ ಸ್ನಾಯು ನೋವು (ಉದಾ: ನಡೆಯಲು ಕಷ್ಟವಾಗುವುದು)

• ನಿರ್ಜಲೀಕರಣದ ಚಿಹ್ನೆಗಳು (ಉದಾ. 8 ಗಂಟೆಗಳ ಕಾಲ ಮೂತ್ರ ವಿಸರ್ಜನೆ ಇಲ್ಲದಿರುವುದು, ಬಾಯಿ ಒಣಗುವುದು, ಅಳುವಾಗ ಕಣ್ಣೀರು ಬರದಿರುವುದು)

• ಜಾಗೃತಿ ಇಲ್ಲದಿರುವುದು ಅಥವಾ ಎಚ್ಚರವಾಗಿರುವಾಗ ಸಂವಹನ ಇಲ್ಲದಿರುವುದು

• ಸೆಳೆತಗಳು

• 104° ಎಫ್ ಗಿಂತ ಹೆಚ್ಚಿನ ಔಷಧಿಗಳಿಗೆ ಪ್ರತಿಕ್ರಿಯಿಸದೇ ಇರುವ ಜ್ವರ.

• 12 ವಾರಗಳೊಳಗಿನ ಶಿಶುವಿಗೆ ಯಾವುದೇ ಜ್ವರ

• ಆರಂಭದಲ್ಲಿ ಸುಧಾರಿಸಿ ನಂತರ ಹದಗೆಡುವ ಜ್ವರ ಅಥವಾ ಕೆಮ್ಮು

• ದೀರ್ಘಕಾಲದ ವೈದ್ಯಕೀಯ ಪರಿಸ್ಥಿತಿಗಳು ಹದಗೆಡುವುದು

   

ಮಕ್ಕಳು ಜೀವಕ್ಕೆ ಅಪಾಯಕಾರಿ ಮತ್ತು ಮಾರಕವಾಗಬಹುದಾದ ಸಮಸ್ಯೆಗಳನ್ನು ಸಹ ಅನುಭವಿಸಬಹುದು, ಅವುಗಳೆಂದರೆ ⁶: 

• ಸೈನಸ್ ಸೋಂಕುಗಳು

• ಕಿವಿಯ ಸೋಂಕುಗಳು

• ನ್ಯುಮೋನಿಯಾ  (ಫ್ಲೂ ವೈರಸ್‌ನಿಂದ ಅಥವಾ ಬ್ಯಾಕ್ಟೀರಿಯಾದ ಸಂಯೋಜನೆಯಿಂದ ಉಂಟಾಗುವ ಶ್ವಾಸಕೋಶದ ಸೋಂಕು)

• ಮಯೋಕಾರ್ಡಿಯಾ (ಹೃದಯದ ಉರಿಯೂತ)

• ಎನ್ಸೆಫಲೈಟಿಸ್ (ಮೆದುಳಿನ ಉರಿಯೂತ)

• ಮಯೋಸೈಟಿಸ್ ಅಥವಾ ರಾಬ್ಡೊಮೈಲೋಸಿಸ್ (ಸ್ನಾಯು ಅಂಗಾಂಶಗಳ ಉರಿಯೂತ)

• ಬಹು ಅಂಗಾಂಗ ವೈಫಲ್ಯ (ಉದಾ: ಶ್ವಾಸಕೋಶ ಅಥವಾ ಮೂತ್ರಕೋಶ ವೈಫಲ್ಯ)

• ಸೆಪ್ಸಿಸ್ (ರಕ್ತನಾಳಗಳ ಸೋಂಕುಗಳು)

• ದೀರ್ಘಕಾಲದ ಪರಿಸ್ಥಿತಿಗಳು ಹದಗೆಡುವುದು (ಉದಾ. ಆಸ್ತಮಾ ಅಥವಾ ದೀರ್ಘಕಾಲದ ಹೃದಯ ಕಾಯಿಲೆ)

   

ಇನ್‌ಫ್ಲುಯೆಂಜಾ ಲಸಿಕೆಗಳು ಪ್ರತಿ ವರ್ಷ ಜ್ವರ ಪ್ರಕರಣಗಳು, ಆಸ್ಪತ್ರೆ ಭೇಟಿಗಳು ಮತ್ತು ಸಾವುಗಳ ಸಂಖ್ಯೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ⁵.

 

ಇನ್‌ಫ್ಲುಯೆಂಜಾ ಲಸಿಕೆಯ ಪ್ರಾಮುಖ್ಯತೆ

ಇನ್‌ಫ್ಲುಯೆಂಜಾ ಲಸಿಕೆಯು ನಿಮ್ಮ ಮಗುವನ್ನು ಜ್ವರದಿಂದ ರಕ್ಷಿಸಲು ಒಂದು ಪ್ರಮುಖ ಕ್ರಮವಾಗಿದೆ ⁵. 6 ತಿಂಗಳು ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಮಕ್ಕಳಿಗೆ ವಾರ್ಷಿಕವಾಗಿ ಲಸಿಕೆಯನ್ನು ಶಿಫಾರಸು ಮಾಡಲಾಗುತ್ತದೆ ಮತ್ತು ಇನ್‌ಫ್ಲುಯೆಂಜಾ ವೈರಸ್ ಅನ್ನು ಗುರುತಿಸಲು ಮತ್ತು ಎದುರಿಸಲು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಉತ್ತೇಜಿಸುತ್ತದೆ, ತೀವ್ರ ಅನಾರೋಗ್ಯದ ಸಾಧ್ಯತೆಗಳನ್ನು ಕಡಿಮೆ ಮಾಡುತ್ತದೆ ^5,7.

 

ಮಕ್ಕಳಿಗೆ ಲಸಿಕೆ ಹಾಕುವುದು ಅತ್ಯಗತ್ಯ ಏಕೆಂದರೆ ಇದು ಫ್ಲೂ ಸಂಬಂಧಿತ ಕಾಯಿಲೆಗಳನ್ನು ತಡೆಯುತ್ತದೆ, ವೈದ್ಯರ ಭೇಟಿ ಮತ್ತು ಆಸ್ಪತ್ರೆಗೆ ದಾಖಲಾಗುವುದನ್ನು ಕಡಿಮೆ ಮಾಡುತ್ತದೆ ಮತ್ತು ತೀವ್ರ ಲಕ್ಷಣಗಳು, ಐಸಿಯು ಆರೈಕೆ ಮತ್ತು ಜ್ವರ ಸಂಬಂಧಿತ ಸಾವುಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ದೀರ್ಘಕಾಲದ ಆರೋಗ್ಯ ಪರಿಸ್ಥಿತಿಗಳನ್ನು ಹೊಂದಿರುವ ಮಕ್ಕಳಿಗೆ ಇದು ವಿಶೇಷವಾಗಿ ಮುಖ್ಯವಾಗಿದೆ, ಏಕೆಂದರೆ ಇದು ಈ ಪರಿಸ್ಥಿತಿಗಳನ್ನು ನಿರ್ವಹಿಸಲು ಮತ್ತು ತೊಡಕುಗಳ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ⁸.

 

ಪೋಷಕರಾಗಿ, ನೀವು 7-ಸ್ಟಾರ್ ಪ್ರೊಟೆಕ್ಷನ್ ಪ್ರೋಗ್ರಾಂ ಅನ್ನು ಪರಿಗಣಿಸಬಹುದು, ಇದು ಐಎಪಿ ಅಡ್ವೈಸರಿ ಕಮಿಟಿ ಆನ್ ವ್ಯಾಕ್ಸಿನೇಶನ್  & ಇಮ್ಯುನೈಸೇಶನ್ ಪ್ರಾಕ್ಟೀಸಸ್ (ಎಸಿವಿಐಪಿ) ರಚಿಸಿದ ಸಮಗ್ರ ಲಸಿಕೆ ವೇಳಾಪಟ್ಟಿಯಾಗಿದೆ. ಈ ಕಾರ್ಯಕ್ರಮವು ಇನ್‌ಫ್ಲುಯೆಂಜಾ ಲಸಿಕೆ ಮತ್ತು ಹೆಪಟೈಟಿಸ್ ಎ, ಸಿಡುಬು, ಮಂಗನಬಾವು (ಮಂಪ್ಸ್), ಮೆನಿಂಜೈಟಿಸ್ ಮತ್ತು ರುಬೆಲ್ಲಾ ಮುಂತಾದ ಇತರ ಗಮನಾರ್ಹ ಕಾಯಿಲೆಗಳ ವಿರುದ್ಧ ರಕ್ಷಣೆಯನ್ನು ಒಳಗೊಂಡಿದೆ.

 

7-ಸ್ಟಾರ್ ಪ್ರೊಟೆಕ್ಷನ್ ವೇಳಾಪಟ್ಟಿಯ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಿಮ್ಮ ಮಕ್ಕಳ ವೈದ್ಯರನ್ನು ಸಂಪರ್ಕಿಸಿ.

 

ಇನ್ ಫ್ಲುಯೆಂಜಾ ತಡೆಗಟ್ಟಲು ಪೋಷಕರಿಗೆ ಪ್ರಾಯೋಗಿಕ ಸಲಹೆಗಳು

ಲಸಿಕೆ ಹಾಕುವುದರ ಜೊತೆಗೆ, ಇನ್ ಫ್ಲುಯೆಂಜಾ ವೈರಸ್‌ಗಳ ಹರಡುವಿಕೆಯನ್ನು ಕಡಿಮೆ ಮಾಡಲು ಪೋಷಕರು ಹೆಚ್ಚುವರಿ ಕ್ರಮಗಳನ್ನು ತೆಗೆದುಕೊಳ್ಳಬಹುದು ^1,5:

 

• ನಿಮ್ಮ ಮಗುವನ್ನು ಅನಾರೋಗ್ಯದಿಂದ ಬಳಲುತ್ತಿರುವ ಯಾಯಾವುದೇ ವ್ಯಕ್ತಿಯಿಂದ ದೂರವಿಡಿ.

• ನಿಮ್ಮ ಮಗು ಅಸ್ವಸ್ಥರಾಗಿದ್ದರೆ, ಅವರನ್ನು ಮನೆಯಲ್ಲೇ ಇಟ್ಟುಕೊಳ್ಳಿ ಮತ್ತು ಕನಿಷ್ಠ 24 ಗಂಟೆಗಳ ಕಾಲ ಇತರರೊಂದಿಗೆ ಸಂಪರ್ಕವನ್ನು ಕಡಿಮೆ ಮಾಡಿ.

• ನಿಮ್ಮ ಮಗು ಕೆಮ್ಮುವಾಗ ಮತ್ತು ಸೀನುವಾಗ ಟಿಶ್ಯೂ ಪೇಪರ್ ಅಥವಾ ಮೊಣಕೈಯಿಂದ ಮುಚ್ಚಿಕೊಳ್ಳಲು ಪ್ರೋತ್ಸಾಹಿಸಿ, ಮತ್ತು ಟಿಶ್ಯೂ ಪೇಪರ್‌ಗಳನ್ನು ಸರಿಯಾಗಿ ವಿಲೇವಾರಿ ಮಾಡಲಾಗುತ್ತಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.

• ವೈರಸ್ ಹರಡುವುದನ್ನು ತಡೆಗಟ್ಟಲು ಮತ್ತು ಉಸಿರಿನ ಮೂಲಕ ಒಳಗೆಳೆದುಕೊಳ್ಳುವುದನ್ನು ತಪ್ಪಿಸಲು ಮಾಸ್ಕ್‌ ಬಳಸಿ.

• ನಿಮ್ಮ ಮಗು ಸೋಪು ಮತ್ತು ನೀರಿನಿಂದ ಆಗಾಗ್ಗೆ ಕೈ ತೊಳೆಯುವುದನ್ನು ಖಚಿತಪಡಿಸಿಕೊಳ್ಳಿ; ಅದು ಸಾಧ್ಯವಾಗದಿದ್ದರೆ, ಆಲ್ಕೋಹಾಲ್ ಆಧಾರಿತ ಹ್ಯಾಂಡ್ ಸ್ಯಾನಿಟೈಸರ್ ಬಳಸಿ.

• ಸೂಕ್ಷ್ಮಜೀವಿಗಳು ಹರಡುವುದನ್ನು ತಡೆಗಟ್ಟಲು ನಿಮ್ಮ ಮಗುವಿಗೆ ಅವರ ಕಣ್ಣು, ಮೂಗು ಮತ್ತು ಬಾಯಿಯನ್ನು ಮುಟ್ಟದಂತೆ ಕಲಿಸಿ.

   

ಸಮಾಪ್ತಿ

ಶಿಶುಗಳು ಮತ್ತು ಚಿಕ್ಕ ಮಕ್ಕಳಲ್ಲಿ ಇನ್ ಫ್ಲುಯೆಂಜಾ ರೋಗವನ್ನು ತಡೆಗಟ್ಟುವುದು ಅತ್ಯಗತ್ಯ ಏಕೆಂದರೆ ಅವರಲ್ಲಿ ತೀವ್ರ ತೊಡಕುಗಳ ಅಪಾಯ ಹೆಚ್ಚು ^1,6. ಈ ಅಪಾಯಗಳನ್ನು ಅರ್ಥಮಾಡಿಕೊಳ್ಳುವ ಮೂಲಕ, ವಾರ್ಷಿಕ ಲಸಿಕೆಗಳನ್ನು ಖಚಿತಪಡಿಸಿಕೊಳ್ಳುವ ಮೂಲಕ ಮತ್ತು ಪ್ರಾಯೋಗಿಕ ತಡೆಗಟ್ಟುವ ಕ್ರಮಗಳನ್ನು ಅನುಸರಿಸುವ ಮೂಲಕ, ನಿಮ್ಮ ಮಗುವಿಗೆ ಜ್ವರ ಬರುವ ಮತ್ತು ಅದರ ಹಾನಿಕಾರಕ ಪರಿಣಾಮಗಳನ್ನು ಅನುಭವಿಸುವ ಸಾಧ್ಯತೆಗಳನ್ನು ಕಡಿಮೆ ಮಾಡಲು ನೀವು ಸಹಾಯ ಮಾಡಬಹುದು ⁵.

ಇನ್‌ಫ್ಲುಯೆಂಜಾ ಲಸಿಕೆಯು ಫ್ಲೂ ತಡೆಗಟ್ಟುವಿಕೆಗೆ ಒಂದು ಪ್ರಮುಖ ಕಾರ್ಯತಂತ್ರವಾಗಿದ್ದು, ಪ್ರತಿ ವರ್ಷ ಅನಾರೋಗ್ಯ, ಆಸ್ಪತ್ರೆಗೆ ದಾಖಲಾಗುವಿಕೆ ಮತ್ತು ಸಾವುಗಳ ಸಂಭವವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ⁵.

 

ಸಲಹೆಗಾಗಿ ಮತ್ತು ನಿಮ್ಮ ಮಗುವಿಗೆ ಅಗತ್ಯವಾದ ಲಸಿಕೆಗಳು ಮತ್ತು ಆರೈಕೆಯನ್ನು ಪಡೆಯುವುದನ್ನು ಖಚಿತಪಡಿಸಿಕೊಳ್ಳಲು ನಿಮ್ಮ ಮಕ್ಕಳ ವೈದ್ಯರನ್ನು ಸಂಪರ್ಕಿಸಿ.